DONDOO 5 ZA KUFANYA KAZI YA MAPISHI KUWA RAHISI

Kupika ni kazi ambayo wanawake wengi tunaimudu na tunaifanya karibu kila siku. Kupika si mradi upike tu unahitaji upike chakula kitamu na chenye afya kwa walaji, wanawake pia tuna kazi nyingi na kazi ya mapishi si ndogo lazima ujue mbinu za kufanya ili kazi yako iwe rahisi na uifanye kwa furaha na umakini. Nimesha fundisha jinsi ya kuandaa ratiba za mapishi na jinsi ya kufanya manunuzi ya chakula haya ni mambo muhimu lakini pia zingatia yafuatayo;

image.jpeg

1- Chemsha na hifadhi kwenye freeze, kuna vyakula unavyoweza kuvichemsha Kwa wakati mmoja vikaiva na ukihifadhi katika freezer ukitaka kupika unatoa tu una unga vizuri bila kutumia muda mrefu sana, mfano maharage, kisamvu, majani ya maboga, spinach, nyama. Mfano unajua huwa unakula kilo mbili za maharage Kwa wiki andaa hizo kilo za maharage yote na chemsha kisha yagawe na hifadhi kwenye freezer. Hii inasaidia kutumia muda kidogo ukitaka kupika na kufanya kazi kuwa rahisi .

 

image

2- Tayarisha kila kitu kabla ya kuanza kupika, vyote unavyojua utavihitaji katika mapishi iwe nyanya, chumvi, ndimu nk . Vitayarishe na uweke mezani jikoni, ndio uanze kupika. Utakusaidia kujua nini kipo na kipi hakuna, au kitu gani hakitoshi. Usisubiri mpaka muda wa kutia chumvi umefika au kuweka kitunguu ndio unakumbuka vimeisha au havitoshi.

 

image

3- Hifadhi vyakula vinavyo baki na utumie tena, ukipika vyakula vikibaki hifadhi vizuri na weka kwenye fridge unaweza kuvitumia tena na ukaokoa bajeti yako ya kununua chakula kingine na muda utakao tumia kupik tena.

image

4- Pika kwa kutumia oven kupika, mi siku nikiwa na kazi nyingi, nimechoka au naumwa huwa napika kwa kutumia oven. Kama ni nyama au samaki unaiweka viungo na kila kitu, na Kama ndizi mzuzu au viazi, unavipaka mafuta kisha naweka kwenye oven unawasha kisha na kaa chini mapumzika au nafanya kazi nyingine huku chakula kinaendelea kuiva. Sihitaji kusima hapo hapo jikoni au kuchemsha chakula halafu uunge tena, unachoma inakuwa rahisi.

image

5- Uwe na ratiba ya mapishi/chakula,
ni kitendea kazi muhimu kuwa nacho nyumbani kwako, kwani inakusaidia usipoteze muda kukaa na kufikiria nini cha kupika au kula jioni. Najua unajua umekaa umjipumzikia au uko njiani kurudi nyumbani umechoka dada anakuuliza au anatuma meseji leo tunapika nini?
Ratiba pia ukiwa nayo itakusaidia kujua vitu vya kununua yani, unapo fanya manunuzi ya vyakula, unaangalia ratiba kisha unatengeneza shopping list yako, ukienda kufanya manunuzi unanunua kila kitu Kwa pamoja.

image

Ukihitaji ratiba ya mapishi ya mwezi mzima wasiliana nami,

Eunice Mahundi
.Life coach . Mjasiriamali . .owner of Madada3 boutique. Mkulima .blogger .Mwandishi .infropreneur .gardenista .member of Go Big Development Network
eunicemahundi@yahoo.com
Whatsap: 0752 741 831
http://www.eunicemahundi.wordpress.com

Advertisements