MALEZI – JE, UNAJUA KWA NINI MZAZI UWE KARIBU NA MWANAO?

Leo tuongee kuhusu malezi maana mimi pia ni mama wa mabinti watatu. Hata kama bado huna mtoto ni vizuri kujifunza. Naamini kila mtu angependa kuwa Mzazi Bora na sio bora mzazi, hivyo kutumia muda wako wa kutosha kuwa karibu na watoto wako ni jambo muhimu kwa maendeleo yao ( kimalezi, kiakili) na furaha yao. Mtoto akishafikisha umri wa kwenda shule, wazazi wote wawili mnahitajika kuwa karibu naye,sio mama peke yake ili kumpa mwongozo wa maisha;

image.jpeg

  • Mzazi unapo shindwa kuwa karibu na watoto wako ili uweze kuwapa malezi bora, unatoa nafasi ya walimu wasiofaa kuwa walimu wa mwanao katika maisha yake ya kila siku.‚Ä®Mtoto akikosa mwongozo wa mzazi , ataanza kujifunza kutoka kwa dada/ kaka wa kazi au mtu yoyote aliyepo nyumbani, majirani au marafiki zake shuleni sasa kama hawa wote wana mienendo mibaya, jua kwamba imekula kwako.
  • Tv na internet pia vinaweza kuwa mwalimu mbaya kwa mtoto wako kama umeshindwa kumfundisha mtoto , nini angalie na nini asiangalie, atafata vyote anavyoona, na atakosa nidhamu kutumia muda wake vizuri pia kuiga mambo yasiyo na maana.

image

  • Watoto wengi siku hizi wanafanyiwa mambo ya kikatili, mzazi kama hauko karibu na mwanao ni ngumu sana kugundua vitu kama hivyo kukiwa bado mapema, wazazi walio karibu na watoto wao wengi hugundua mapema sana hata kabla uharibifu haujafanyika maana, ukiwa na tabia ya kuongea na mtoto kila siku, atakwambia kila anachokutana nacho, na mtoto utamfundisha mambo yapi asikubali kufanyiwa na inapotokea tatizo afanye nini.

Siku zote jua kwamba mzazi una wajibu wa kutumia muda wa kutosha pamoja na w/mwanao, ili umfundishe stadi za maisha, umuonyeshe upendo na kumuhudumia ili aje kuwa na maisha yenye muelekeo toka anazaliwa hadi aweze kujitegemea, raia mwema anatengenezwa kutoka katika familia.

image.jpeg.-life coach . Mjasiriamali . .owner of three sister bazaar. Mkulima .blogger .Mwandishi .infropreneur .gardenista .member of Go Big Development Network
eunicemahundi@yahoo.com
Whatsap: 0752 741 831
http://www.eunicemahundi.wordpress.com

Advertisements